ለቢቢኤን ቦርድ

ጉዳዩበኖቬምበር 6, 2016 በምታደርጉት ኮንፈረንስ ላይ እንድንገኝ የቀረበልልን ጥሪ ይመለከታል።

በመጀመሪያ በኮንፈረሳችሁ ላይ እንድንገኝ ላደረጋችሁልን ጥሪ ምሥጋናችንን ለማቅረብ  እንወዳለን።

በድር ኢትዮጵያ የሙስሊሙን ህብረተሰብ ጠቀሜታና ግልጋሎት በተመለከተ  አጀንዳ አንግበው ከተነሱ ወገኖች ጋር  ተባብሮ የመሥራት ችግር እንደሌለበት ያሳለፍነው ታሪካችን ምስክር ነው። ምክኒያቱም አብሮ መስራት፤ ሕብረት መፍጠርና፤ ለአንድነት መስራት ድርጅታችን ከተመሠረተባቸው አላማዎች አንዱ ነውና። ሆኖም ግን በበድር ኢትዮጵያና በቢቢኤን  መካከል በአሁኑ ወቅት አብረው ለመሥራት የማያስችሉ ዘርፈ ብዙ ችግሮች እንዳሉ ከናንተም ሆነ ኢትዮጵያውያን ሙስሊሞች  የተሰወረ አይደለም።

እንደ ሙስሊም አንድ ልብ ሆነን እንድንሰራ መጀመሪያ በወንድም ላይ ለሰራነው ዙልም አፉ ጠይቀን፤ አለኣግባብ እላፊ ለተናገርነውና ያለመረጃ ላጎደፍናቸው ስሞች፤ እንዲሁም በኮንቬንሺኖቻችን ዙሪያ ለተፈፀሙብን በደሎች ይቅርታ ተጠያይቀን በዳይ ተበዳይን ይቅርታ ጠይቆ ተበዳይም ለአላህ ሲል ይቅር ባላለበት ሁኔታ ላይ ስለምንገኝ በቅድሚያ በነዚህ ሁኔታዎች ዙሪያ ሊሠራባቸው ይገባል የሚል እምነት አለን በአንድ ልብ ሆነን ለኡማቺን እንድንሠራ ከተፈለገ ቢቢኤን በድርጅታችንና በአመራሮች ላይ ላደረሰው ሥም የማጉደፍ ዘመቻና ኦዲዮዎችን ቆርጦ በመቀጠል ላደረሰው በደል ከልብ የመነጨ ይቅርታ ሊጠይቅ ይገባል። እንዲሁም በቢቢኤን አመራሮች እጅ የሚገኘውና፤ በኣማና ተሰጥቷቸው ግን አማና በመጣስ በጃቸው ያስቀሩትን የድርጅታችን ንብረቶች መመለስ አለባቸው።

ኢኽላስ ባለው መንገድ አብረን ለመሥራትና አብሮ የመሥራቱ ሁኔታ ቀናና ቀና እንዲሆን በቅድሚያ ይህ የኣፉታና የእርቅ ውይይት በኡለማወቻችን አማካኝነት ሊደረግ ይገባል። ይህ ሳይሆን ሆድ ሲያውቅ ደሮ ማታ እንዲሉ የውሽት ህብረትም ሆነ አንድነት እስላማዊ ያልሆነና በኢኽላስ የማይሰራ የፖሊቲካ ጠቀሜታ ብቻ መገብያ እኩይ ተግባር ስለሚሆን፤ ጥሪያችሁን የበድር አመራር ቦርድ ያልተቀበለው መሆኑንና ባዘጋጃችሁትም መድረክ የማይገኝ መሆኑን በትህትና እንገልጻለን።

 

ሁሉን አዋቂው አላህ (ሱወ) ይቅር ይበለን። ሁላችንንም ቀጥተኛውንም መንገድ ይምራን።

 

የበድር አመራር ቦርድ

 ሰሜን አሜሪካ

ኖቬምበር 5, 2016

                                                      

      በአላህ ስም እጅግ በጣም ርህሩህ በጣም አዛኝ በሆነዉ   

በቢሾፍቱ ከተማ የተፈጸመዉ አሳዛኝ ክስተት

       መስከረም  22/ 2009 በሀገራችን በቢሾፍቱ ከተማ  የኦሮሞ  ብሄረሰብ ዓመታዊ የኢሬቻ  በዓልን ለማክበር በተገኙ ወገኖች ላይ የተፈጸመዉ ግድያና የመቁሰል አደጋ አስከፊና አሳዛኝ ተግባር መሆኑን እየገለጽን በድር ኢትዮጵያም ይህንን ኢሰብአዊ ድርጊት በአጽንኦት ያወግዛል።              

      ዜጎች በተለያዩ ጊዜና ቦታ ብሶታቸዉን ባሰሙና ህገ መንግስታዊ የመብት ጥያቄ ባነሱ ጊዜ ከመንግስት በኩል የሚጠበቀዉ ሁኔታዎችን በጥሞና አገናዝቦ ህብረተሰብን ያማከለ ዘለቄታዊ መፍትሄ መሻት እንጂ ነገሮችን በሀይል መጨፍለቅና ሰፊዉ ህብረተሰብ ላይ አለመረጋጋትን በመፍጠር ሊመጣ የሚችል አንዳችም አይነት ዉጤት የለም። ይልቁን ይህን አይነቱ ተግባር አለመረጋጋትን ከመፍጠሩ በተጨማሪ የሀገሪቱን ህልዉናም አደጋ ላይ እንደሚጥል ከማንም የተሰወረ አይደለም። ስለዚህ ለሚነሱ የመብት ጥያቄዎችና ብሶቶች ሰላማዊ በሆነ መልኩ መፍትሄ መፈለግና በንጹሀን ዜጎች ላይ የሚፈጸመዉ ግድያና ሰቃይ እንዲቆም ማድረግ የመንግስት ግዴታ መሆኑን እየገለጽን በዚህ ባህላዊ በዓል ተገኝተዉ ደስታቸዉን ለመግለጽ በመገኘታቸዉ ሳቢያ የህይወት መስዋእት ለሆኑት ሁሉ ጥልቅ ሀዘን የተሰማን መሆኑን እየገለጽን ለቤተሰቦቻቸዉ አላህ (ሱወ)  መጽናናትን እንዲሰጣቸዉና በሀገራችንም ሰላምን እንዲያመጣልን እንማጸናለን።    

   አላህ (ሱወ)ቀጥተኛዉን መንገድ ይምራን አሜን !

 

             የበድር የዳይሬክተሮች ቦርድ                   

                                   ሰሜን አሜሪካ                                          

 ኦክቶበር 3 / 2016