በአላህ ስም እጅግ በጣም ርህሩህ በጣም አዛኝ በሆነዉ               

ኢ ድ   ሙ ባ ረ ክ

 

                         

 

 በኢትዮጵያ እና በመላዉ ዓለም ለምትገኙ ሙስሊሞች እንኳን ለ 1438ኛዉ የኢድ-አል አደ(አረፋ) በዓል አላህ (.) በሰላም አደረሳችሁ እያልን መልካም ምኞታችንን ስንገልጽ በተከበረዉና በተቀደሰዉ ቦታ ላይ የሀጅ ስነ ስርዓታቸዉን እያከናወኑ የሚገኙ ሁጃጆች አላህ (.) ወደ የቤተሰቦቻቸዉ በሰላም እንዲመልሳቸዉ እና በዓለም ላይ ሰላም እንዲሰፍን ጸሎትና ምኞታችን ነዉ።

 

    በዓሉን ስናከብርም እስረኞችና ቤተሰቦቻቸዉ ፤ የቲሞችን እና የተቸገሩትን በማስታወስ አላህ (.) ከሰጠን ላይ በመስጠት ይህን የደስታ ቀን በተጎዳ ስሜት እንዳያሳልፉ መጣር ይጠበቅብናል፤ በድር ከአባሎቹና ከደጋፊዎቹ ጋር በመሆን እንደ ድርጅት በዚህ ረገድ የራሱን ድርሻ እያደረገ መሆኑን በዚህ አጋጣሚ ለመግለጽ እንወዳለን። 

 

    በድር ኢትዮጵያ በሀገራችን በሙስሊሙ ማህበረሰብ ለእምነት ነጻነት ብሎም ለህገ-መንግስታዊ መብት መረጋገጥ በሚደረገዉ ሰላማዊ መብትን የማስከበር እንቅስቃሴ  ሂደት የተጠየቁ ጥያቄዎች እስኪመለሱና በእስር ላይ የሚገኙ የመፍትሄ አፈላላጊ ኮሚቴዎችን ጨምሮ በተያያዥነት ለእስር የተዳረጉ እህትና ወንድሞቻችን እስኪፈቱ ድረስ አጋርነቱን እንደ ከዚህ ቀደሙ ድጋፉን አጠናክሮ እንደሚቀጥል ሲገልጽ በዚህ እንቅስቃሴ  ሰበብ የሞቱ ፤ የታሰሩ ፤ የተሰደዱና በተለያየ መልኩ ጉዳት የደረሰባቸዉ ወንድሞችና እህቶቻችን የከፈሉትን መስእዋትነት አላህ (.) በዱንያ ኢማንና ተቅዋን ፤በአኼራ ጀነተል ፌርዶስን እንዲለግሳቸዉ እየለመን ጭምር ነዉ።

 

   ለጋራ ግባችን መሳካትና ዉጤት ለማምጣት ያሉብንን ልዩነቶች በማጥበብ የአንድነቱን መረብ ዛሬም ኑ አብረን በጋራ እንዘርጋዉ እያልን ነዉ። ለዚህም በድር እንደ ሙስሊም ድርጅት ጠንክሮ እንደሚሰራ እየገለጽን በዓሉ የሰላም ፤ የጤና እንዲሁም መጭዉ ጊዜ የሙስሊሙ ማህበረሰብ አንድነቱን አጠናክሮ ጥቅሙን ለማስጠበቅ በጋራ የሚቆምበት እንዲሆንልን አላህን እንለምናለን።

 

   በድር ኢትዮጵያ

 ኦገስት 31 ,2017

 

 

 

 

 

 

 

                                                                                                                                                                                   

         በአላህ ስም እጅግ በጣም ርህሩህ በጣም አዛኝ በሆነዉ    

 ለዓላማ ስኬት በጽናት እንቁም

      በሀገራችን ኢትዮጵያ የሙስሊሙ ማህበረሰብ አንግቦ የተነሳዉ እምነትን በነጻነት የመተግበርና ህገመንግስታዊ መብትን ሳይሸራረፍ ለመጠቀም በሚያስችል መልኩ በይፋ እንቅስቃሴ ማድረግ ከጀመረ አምስት ዓመታትን አስቆጥሯል። በነዚህ ወቅቶችም በርካታ ፋይዳ ያላቸዉ ተግባራት የተከናወኑ ቢሆንም በአንጻሩ የተከፈለዉ መስዋእትነትም የትየለሌ ነዉ። ይህም የሚያሳየዉ በትግሉ ጉዞ ዉስጥ በህዝበ ሙስሊሙም ሆነ በመሪዎች ላይ በደረሰዉ የእስር፤ የመሰደድና የድብደባ ሰቆቃ በተፈራረቀበት ወቅትም እንኳ ቢሆን ከመርሁ ሳይዛነፍ ቆይቷል።

     በድር ኢትዮጵያ አለም አቀፍ የሙስሊሞች ድርጅትም ሰላማዊ እንቅስቃሴዉ ከመጀመሩ በፊትም ይሁን በኋላ አቅም በፈቀደ ሁናቴ የኡማዉ አካል በመሆን በአጋርነት ተሳትፎዋል ፤ ሰላማዊ መፍትሄ በመሻትም ሩቅ ርቀት ተጉዟል። በቅርቡ ከመፍትሄ አፈላላጊ ኮሚቴዎቻችን ‘’አቋምን በግልጽ ስለማሳወቅ በሚል የወጣዉ መግለጫም ይህንኑ የሚያስገነዝበን ሲሆን ድርጅታችንም በዚሁ በተቀየሰዉ መንገድ ሲጓዝ እንደነበር ለመግለጽ እንወዳለን።

     ህብረተሰቡም  ይህንኑ በግልጽ ተገንዝቦ ልዩነቶችን በማጥበብ እና አንድነቱን ይበልጥ በማጠናከር ከጅምሩ የተጠየቁ ሶስቱን መሰረታዊ የእምነት እና የመብት ጥያቄዎችን መሰረት በማድረግ በህዝባችን ላይ የተጋረጠዉን ዘርፈ ብዙ ችግሮችን ለመቅረፍ ብሎም በእስር የሚማቅቁ ወንድሞቻችንን ለማስፈታት ጥረታችንን  መቀጠልና  በአዲስ መልክ በጋራ ርብርቦሽ በማድረግ የአቋም ጽናታችንን ዳግም መገንባት እንደሚጠበቅብን እናምናለን።

                                          የበድር ዳይሬክተሮች ቦርድ                                                                                                           ሰሜን አሜሪካ                                                                                                                       ኦገስት 16, 2017