በአላህ ስም እጅግ በጣም ርህሩህ በጣም አዛኝ በሆነዉ                                            

    የበድር ኢትዮጵያ አለም አቀፍ የሙሲሞች ድርጅት ሁናቴ (Status)

 

      በድር ኢትዮጵያ ዓለም አቀፍ የሙስሊሞች ድርጅት እኤአ በ 2000 ዓመተ አለም በዲሲ ከተማ ለመጀመሪያ ጊዜ  በሙፍትሂ ሼህ መሀመድ ሲራጅ አመካይነት የበድርን ስያሜ  እዉቅና አግኝቶ የተዋቀረ የእምነት ድርጅት ነዉ ። በድር ኢትዮጵያ አለም ዓቀፍ የሙስሊሞች ድርጅት ከመነሻዉ የነበረዉን የወደፊት ራዕይ አንግቦ በመነሳት በሰሜን አሜሪካና በተለያዩ  የአለም ከተሞች የሚገኙ ሙስሊም ኢትዮጵያዉያንን ለማደራጀትና ለማጠናከር ብሎም ኮምዩኒቲ መስርተዉ የራሳቸዉ ተቋም እንዲኖራቸዉ በማስቻል በነጻነት እምነታቸዉንና ባህላቸዉን በአግባቡ እንዲተገብሩ ምቹ ሁኔታዎችን መፍጠር ፤ በትዉልድ አገራችን ኢትዮጵያም የሙስሊሙ ማህበረሰብ ከጥንት ጀምሮ በአጼያዉያን መንግስታት ጭቆናና በደል ሲፈራረቅበት የቆየና ያንንም መከራና ስቃይ ለመታደግ የኢትዮጵያዉያ ሙስሊም ማህበረሰብ  ራሱን አደራጅቶ የእምነት ነጻነቱን ለማስከበር እንዲችል በሁለንተናዊ አቅጣጫ  ለመደገፍ ታስቦ የተቋቋመ እስላማዊ ድርጅት ነዉ። 

      ድርጅቱ ከፖለቲካ እና ከመንግስት አወቃቀር ነጻ ሆኖ  በNON PROFIT ORGANIZATION 501.C(3) ደረጃ ተመዝግቦ  ያለ ድርጅት ከመሆኑም አንጻር ከማንኛዉም መንግስት ፤ ፖለቲካና ሌሎች መሰል አካላት ጋር በቀጥታም ሆነ በተዘዋዋሪ  ወግኖ  የማይሰራ የየትኛዉንም ፖለቲካ ቡድን ደጋፊም ሆነ ተቋዋሚ ሳይሆን ራሱን ችሎ የኢትዮጵያ ሙስሊሞችን እና እስልምናን በሚመለከቱ ጉዳዮች በዋነኛነት አትኩሮት በመስጠት የራሱን ዓላማና መርሀ-ግብር ለመተግበር የተቋቋመ ነጻ ሀይማኖታዊ ግብረ-ሰናይ ድርጅት ነዉ።    

                                                                                              በድር ኢትዮጵያ አለም አቀፍ የሙስሊሞች ድርጅት                                                                                                                                  ሰሜን  አሜሪካ                                                                                                                                                                                                                                                                                                                                                   ጁላይ, 13  2016