በአላህ ስም እጅግ በጣም ርህሩህ በጣም አዛኝ በሆነዉ                                  ኢድ  ሙባረክ

    በሰሜን አሜሪካ እንዲሁም በመላዉ ዓለም ለምትገኙ ሙስሊሞች እንኳን ለተከበረዉ የ 1439 የኢድ አል አድሀ በዓል በሰላም አደረሳችሁ እያልን በዓሉ ነጻነት ፤ ደስታ እና ፍቅር በተሟላበት ሂደት በማክበር የተሳካ እንዲሆንላችሁ እንመኛለን ።

ይህ በዓል ዘመድ አዝማድ የሚጠያየቅበት ፤ ያለዉ ለሌለዉ የሚያካፍልበት በበጎ ነግባራት ሁሉ የምንተሳሰብበት አቢይ ሂደት ነዉ ።

 ሁጃጆችን  አላህ (.) በሰላም  ከወደ መጡበት እንዲመልሳቸዉ መልካም ምኞታችንን እየገለጽን ዲናችን  በሚያዘን መሰረት ሌሎችን  ለመርዳት በማሰብ በኡዱሂያ ፕሮጀክት ላይ የተሳተፋችሁ ሁሉ በአላህ ስም እያመሰገን ይህን መሳይ ሥራዎች በቀጣይም በስፋት ልናተኩርበት እንደሚገባ ለማሳወቅ እንወዳለን ።

   በአሁኑ ወቅት በሀገራችን  እየታየ ያለዉ የሰላም እና ሁለንተናዊ ሀገራዊ ለዉጥ ሙስሊሙ ማህበረሰብ በንቃት ለዉጤት እንዲበቃ በማድረግ በኩል የበኩሉን ያልተቋረጠ ድጋፍ ማድረግ እንደሚገባዉ ማሳሰብ እንወዳለን።  

     በድር ኢትዮጵያ በሀገራችን ብሎም በመላዉ ዓለም ለሚገኙ ሰላምን ፤ ፍትህን ደህንነትን እና ነጻነትን ለተነፈጉ ሙስሊሞችና ሙስሊም ላልሆኑ ወገኖቻችን ሁሉ በሚያደርጉት የሰላማዊ ትግል ጉዞ ላይ እንደ ሁልጊዜዉም ከጎናቸዉ የምንቆም መሆናችንን እያበስርን በቅርቡ በሀገራችን  የተለያዩ ክልሎች በአማኞችና በእምነት ቤቶች ላይ በደረሱ ጥቃቶች እጅግ ያዘንንና በጥቃቱም ሰለባ ለሆኑ ሁሉ መጽናናትን እየተመኘን መንግስት የሚጠበቅበትን ሀላፊነት በመወጣት ለዉጤት እንደሚያበቃዉ በመተማመን ጭምር ነዉ ። 

ተቀበለሏሁ ሚና ወሚንኩም ሷል ኸል አዕማል

      በድር ኢትዮጵያ         ሰሜን አሜሪካ         ኦገስት 20 2018